د دعوت او جهاد پوهنتون پخوانی استاذ مولوي فیاض وفات شو

  لیکوال : احمد بشير

بېګاه د دو شنبې په شپه د هېواد پیاوړی عالم، استاذ مولوي شیر ایاز فیاض په پاکستان کې د پيښور په جرنیلي هسپتال کې د ورپېښې ناروغۍ له امله وفات شو.

د نوموړي جنازه نن (دو شنبه 29/5/1435 هـ = 31/3/2014 م) ماسپښين په ۲ بجې د پيښور په رینګ روډ باندې، اباسين یونورسټۍ ته مخامخ میدان کې اداء شوه. او بیا د جلوزو کمپ د شهيدانو هدېرې ته انتقال شوه او هلته خاورو ته وسپارل شوه.

مرحوم مولوي فیاض نه یوازې د روسانو په وړاندې د افغان ولس په وسلوال جهاد کې ستره ونډه درلوده، د ځوانانو په سالمه روزنه کې يې هم ستره ونډه درلوده. کله چې په افغانستان امریکایانو یرغل وکړ، نوموړي يې په وړاندې په ډاګه د مخالفت اعلان وکړ.

اروا ښاد مولوي فیاض د هجرت په دیار کې د دعوت او جهاد د پوهنتون استاد ؤ. او  د عمرو بن حزم رضی الله عنه په مدرسه او د اتحاد په عالي لیسه کې يې هم د ښوونکي په توګه دندې ترسره کړي.

 د نوموړي یو زوی دوکتور عبد القدير د سعودي عربستان په یوه پوهنتون کې دوکتورا ترلاسه کړي، او دوه نور زامن يې (احسان الهي او حمدان الهي) د اسلام اباد د نړیوال اسلامي پوهنتون د اصول الدين او شرعياتو په پوهنځيو کې  په زده کړو بوخت دي.

روح دې ښاد او ياد دې تل وي.

انا الله وانا اليه راجعون.

احمد بشير

.

بېګاه د دو شنبې په شپه د هېواد پیاوړی عالم، استاذ مولوي شیر ایاز فیاض په پاکستان کې د پيښور په جرنیلي هسپتال کې د ورپېښې ناروغۍ له امله وفات شو.

د نوموړي جنازه نن (دو شنبه 29/5/1435 هـ = 31/3/2014 م) ماسپښين په ۲ بجې د پيښور په رینګ روډ باندې، اباسين یونورسټۍ ته مخامخ میدان کې اداء شوه. او بیا د جلوزو کمپ د شهيدانو هدېرې ته انتقال شوه او هلته خاورو ته وسپارل شوه.

مرحوم مولوي فیاض نه یوازې د روسانو په وړاندې د افغان ولس په وسلوال جهاد کې ستره ونډه درلوده، د ځوانانو په سالمه روزنه کې يې هم ستره ونډه درلوده. کله چې په افغانستان امریکایانو یرغل وکړ، نوموړي يې په وړاندې په ډاګه د مخالفت اعلان وکړ.

اروا ښاد مولوي فیاض د هجرت په دیار کې د دعوت او جهاد د پوهنتون استاد ؤ. او  د عمرو بن حزم رضی الله عنه په مدرسه او د اتحاد په عالي لیسه کې يې هم د ښوونکي په توګه دندې ترسره کړي.

 د نوموړي یو زوی دوکتور عبد القدير د سعودي عربستان په یوه پوهنتون کې دوکتورا ترلاسه کړي، او دوه نور زامن يې (احسان الهي او حمدان الهي) د اسلام اباد د نړیوال اسلامي پوهنتون د اصول الدين او شرعياتو په پوهنځيو کې  په زده کړو بوخت دي.

روح دې ښاد او ياد دې تل وي.

انا الله وانا اليه راجعون.

احمد بشير

.