په کابل کې د اوړو عمده او پرچون پلور بيې لوړې شوې

لیکوال : حبیب مومند

په کابل کې د تېرې اونۍ په پرتله د اوړو عمده او پرچون پلور بيې لوړې شوې. تېره اونۍ د پنځوس کيلو پاکستاني اوړو عمده پلور بيه ١٣٥٠ افغانۍ وه، خو اوس ١٤٤٠ افغانيو ته رسېدلې ده.

د نورو خوراکي توکو په عمده پلور بيو کې کوم توپير نه دى راغلى. خو د اوړو پرچون پلور کې څلوېښت افغانۍ زياتوالى راغلى دى.

د یادونې وړ ده چې د کال په دغه موسم کې په پاکستان کې ګودامونه تشېږي او د هغه هېواد د اوسېدونکو د اوړو زېرمه له کمښت سره مخ کېږي، نو له همدې امله په کابل کې د اوړو پر بيو او پلور اغېز کوي.

حبیب مومند