القسام ډله وایې نن مو ۱۴ اسرائیلي سرتیري وژلي

لیکوال : محمد أفغاني

د حماس ډلې عسکري څانګې القسام ویلي چې نن یې په ۴ بیلابیلو بریدونو کې ۱۴ اسرائیلي سرتیري او یو ضابط وژلي ، په داسې حال کې چې اسرائیلو د خپلو ۲ سرتیرو په وژنه اعتراف کړی .

القسام ډلې په خپله اعلامیه کې وویل : زمونږ هغه مقاومت ګرو چې د اسرائیلو ځمکې ته داخل شوي وو او بیرته راستانه شول خبر ورکړ چې ۵ اسرائیلي سرتیري یې وژلي .

همداراز نومړې ډلې نن په یو بیان کې وویل چې په یو بل هم مثله برید کې یې ۶ اسرائیلي سرتیري وژلي ، او ددوې یو تن شهید شوی .

له بل پلوه اسرائیلو منلې چې د القسام ډلې په برید کې ددوې ۲ تنه سرتیري وژل شوي دي .