اسلامي دولت په حمص کې د بشار الاسد ۲۰۰ سرتیري وژلي

ليكوال : محمد أفغاني

د سوریې په حمص ښار کې پرون د اسلامي دولت او سوریې نظامي ځواکونو ترمنځ خونړې نښتې شوي چې پکې د بشار الاسد ۲۰۰ سرتیري وژل شوي دي .

د مسار په نوم یوې خبرې سرچینې خبر ورکړې چې اسلامي دولت د حمص په تدمر سیمه کې د الشاعر په نوم د طبیعي غازو یو لوی شرکت هم نیولی دی .

خبر زیاتوي چې اسلامي دولت د بشار الاسد د رژیم ۸ پوستې له منځه وړي ، تر ۲۰۰ زیات سرتیري یې وژلي او تر ۶۵ یې ژوندي نیولي دي .

مسار زیاتوي : اسلامي دولت ۶ ټانګونه ، توغندي او نور عسکري مهمات ولجه کړي دي .

له بلې خوا د دیر الزور په هوایي ډګر کې د اسلامي دولت او بشارالاسد ځواکونو ترمنځ سختې نښتې روانې دي او اسلامي دولت غواړي چې هوایې ډګر له نظامي ځواکونو ونیسي .