فلسطين : په غزې اسرائیلي بریدونه ، ۴۵ شهیدان ۳۰۰ ټپیان

لیکوال : محمد أفغاني

د غزې په تراړه د اسرائیليو په وحشي بمبار کې د شهیدانو شمیر ۴۵ او ټپیانو ۳۰۰ تنو ته رسیدلی ، په داسې حال کې چې په دریمه ورځ هم د غزې په ځینو سیمو د اسرائیلو هوایې بریدونه روان دي ، او پدې بمبارۍ کې د مقاومت ډلې د ځینو مشرانو کورونه هم په نښه شوي دي .

په تیرو څو ساعتونو کې هم اسرائیلي اشغالګرو د غزې جنوب ختیځ لورې ته د مصر سره په حدودې سیمه پرله پسې هوایې بریدونه وکړل .

په دې هوایې بریدونو کې تر ۷۰ زیات کورونه په نښه شوي او وران شوي دي .

اسرائیلو خبردارې ورکړی چې که چیرې د مقاومت ډلې توغندوي اورول بند نه کړي نو خپل بریدونه به لازیات کړي .

محمد أفغاني