طالبان وايي: د غور چارصده یې نیولې!

لیکوال : محصلین

نن طالبانو په خپله ویب پاڼه کې د یو خبر په ترڅ کې ویلي چې په غور ولایت کې یې د چهارصدې ولسوالۍ نیولې ده، د خبر له مخې جګړه سهار په شپږ بجې پیل شوې وه چې د ماسپښین په دوه بجو پای ته ورسیده، په نوموړې جګړه کې ۱۰ پولیس وژل شوي، ګڼ شمیر نور ټپیان شوي، او ۶ عرادې رینجر موټر او ګڼې وسلې یې لاس ته ورغلې دي.

طالبان وايي چې ددې جګړې په ترڅ کې زمونږ یو ملګری هم شهید شوی  ! بلي غاړې ته د المرکز الافغاني للاعلام عربي پاڼې له قوله د غور ولایت چارواکو منلې ده چې نوموړې ولسوالۍ د طالبانو لاس ته ورغلې ده. دغور د والي ویاند عبد الحی خطیبي ویلي چې ۲۰۰ کسانو په نوموړې ولسوالۍ برید کړی و، او زیاتره طالبان له ګاونډي ولایت فاریاب څخه راغلي دي.