وډيو: روسي سياستپوه خپلو مرستيالانو ته په يوې خبريالې د جنسي تېري امر وکړ

د روسيې لیبرال ديموکرات ګوند ۶۷ کلن مشر ولادیمیر ژیرینفسکي (Vladimir Zhirinovsky) ، ښځينه خبرېالې سټېلا ډيبفټسکي ته په يوه وړه او عادي پوښتنه باندې دومره سخت په غوسه شو چې خپلو مرستيالانو ته يې د خلکو په وړاندې په هغې باندې د جنسي تيري امر وکړ.

دغه پېښه هغه مهال رامنځته شوه، کله چې يوې ښځينه خبريالې له روسي سياستمدار ولادیمیر ژیرینفسکی  څخه په اوکراين د اقتصادي بنديزونو لګولو په اړه پوښتنه وکړه، نو هغه سخت په غوسه شو، او سمدستي يې خپلو دوه وو مرستيالانو ته، د خلکو په مخکې د بې عزتۍ او ورباندې د تيري امر وکړ. د امريکايي هافینگتون پست ويب پاڼې د خبر په اساس د غونډې ګډونوال هم په دې پېښه ناخوښه او حيران شوي دي.

د رويټرز ويب پاڼې او يورو نيوز اخبار په شمول ګڼو ويب پاڼو او خبري اژانسونو څرګنده کړې چې ياده خبرياله سټېلا ډيبفټسکي چې په اولاد باندې د شپږو مياشتو اميدواره هم ده، اوسمهال په یوه روغتون کې د عصبي ټکانو له وجې تر تداوۍ لاندې ده.

پرهمدې مهال له سړيو خبريالانو څخه یو تن يې د مداخلې کوشش وکړ، او ژیرینفسکی ته يې وویل: دغه خبرياله اميدواره ده، ولې يې زوروئ؟ خو د نوموړي خبرې ته ژیرینفسکی هیڅ اهميت ورنه کړ او هغې ته يې وويل: چې ته اوميدواره يې نو دا ځای تاته مناسب نه دی، مونږ جوړ خلک غواړو، او اميدوارو مېرمنو ته په کار دي چې د دندې ترسره کولو لپاره چېرې لاړې نه شي، او په خپلو اولادو باندې د پام لپاره په خپلو کورونو کې کښيني.. ايا ته پوهه شوې؟ او په چيغې او سخته لهجه يې د خپلو دوه ملګرو پام خبريالې ته ورواړاوه چې ورشئ او د ټولو خلکو په وړاندې ورابندې جنسي تېری وکړئ!. له هغوی دواړو څخه هم، یوه يې لاس ور وړ او کلکه ونيوله، خو هغې لرې ټېل واهه.

پورتنۍ پېښې ته په کتو سره ویلی شو، چې سټېلا ډيبفټسکي یوازينۍ خبرياله او ميرمن نه ده، چې له داسې ناوړه چلند سره مخ شوي ده، بلکې په غیر اسلامي ټولنو کې د ادعاؤ برعکس نه د بيان ازادي شتون لري، او نه مېرمنو ته درناوی شتون لري نو دا ډول پېښي ورته یوه عادي خبره ښکاري.

یاده پېښه په ژوندۍ بڼه په لاندې لینک سره کتلی شئ!: