جوزجان او بادغيس کې سيلاوونو ۵۴ کسان وژلي

لیکوال : احمد

..

د افغانستان د جوزجان والي له بي بي سي سره خبرو ويلي چې سېلاوونو په دغه ولايت کې ۴۶ کسان وژلي دي.

چارواکي وايي دغه سيلاوونه په درزاب، قوش تپه او خواجه دوکو ولسواليو کې د اورښتونو له امله راوتلي دي

بل خوا د بادغيس ولايت چارواکي وايي په قلعه نو کې راوتلو سيلاوونو اته کسه وژلي دي.

د جوزجان امنيه قومندان فقير خان جوزجاني بي بي سي ته وويل د ۲۸ کسانو جسدونه روغتون ته لېږدول شوي چې ښځې، نارينه او ماشومان په کې شامل دي.

چارواکي ويره ښيي چې ښايي د وژل شويو کسانو شمېره لوړه وخيژي، ځکه په خبره يې دوی ته د لسګونه کسانو د وژل کېدو او ژوبلېدو راپورونه ور رسېدلي دي.

.