مصر: دوه نيول شوي محصلين له سختو شکنجو وروسته له پوځي مرکزه نادرکه شول

ليکوال: احمد بشير

د مصر د زقازيق په پوهنتون کې د کودتا ضد محصلينو د غورځنګ وياند احمدي حمودي رسنيو ته ويلي دی چې د یاد پوهنتون دوه محصلين (انس السيد د تجارت پوهنځي محصل او انس موسی د اينجنيرۍ د عالي انستيتوت محصل) وروسته له هغې د امنيتي ځواکونو له مرکز څخه نادرکه شول چې ټوله ورځ يې د امنيتي ځواکونو تر سختې شکنجې لاندې تېره کړې وه.

ښاغلي حمودي په خپل فیسبوک پاڼه کې څرګنده کړې ده، چې دواړه محصلين پرون امینتي ځواکونو د پراخې نيونې په ترڅ کې په زقازیق کې له یوه کوره بيولي ول،  

نوموړي زیاته کړې چې انس موسی خپله چپه سترګه د تېر اکتوبر د ۶مې په پېښو کې د یوې مرمۍ په لګېدلو سره له لاسه ورکړې وه.

احمد بشير.