افغان پوله ساتي: په درې ورځڼۍ جګړه کې یې ۷۰ کسه مخالفین یې وژلي دي!

لیکوال: محصلین

په هلمند کې حکومتي چارواکو دعوه کړې چې د هلمند د خانشین ولسوالۍ د تاغز په سیمه کې ددوی په ځواکونو برید کوونکي وسلوال مخالفین یې وژلي دي!  حکومتي سرچینې وايي چې له ۷۰ وژل شویو او پنځوسو ټپیانو څخه یې یو میل پیکا، یو میل راکټ انداز، یو میل کلاشینکوف او یومیل درازکوف، او نورې مهمې وسلې نېولې دي، خو دا یې نه دي ویلي چې نورې مهمې وسلې کومې کومې دي؟

د ۶۰۴سرحدي زون  درستیزوال سمونوال حمید الله صدیقي وايي چې د مخالفینو د وژل شویو جنګیالیو جسدونه یې اوس هم په سیمه کې پراته دي، خو دا یې نه دي ویلي چې د نورو وژل شویو او ټپي شویو جګیالیو وسلې څه شوې؟

نوموړي همداراز ویلي چې په په وژل شویو جنګیالیوکې د پنجاب او وزیرستان جنګیالیان هم شته دي، خو دا یې نه ده واضحه کړې چې څه ډول پوه  شوي چې په وژل شویو کې پنجابیان او وزیرستانیان هم شته دي؟

طالبانو تر اوسه په دې اړه څه نه دي ویلي.