په کابل کې یو استرالیایی عسکر ووژل شو!

لیکوال: محصلین

نن چهار شنبې نړیوالو ځواکونو اعلان وکړ چې د استرالیايي ځانګړو ځواکونو یو عسکر یې په مرمۍ ویشتل شوی، نوموړی عسکر له وسلوالو مخالفینو سره په جګړه کې نه مخامخ نه وښکیل،  یوازې مشوریي او تمریني رول یې لوبولو.

د استرلیايي وسلوالو ځواکونو مشر مارک بیسکین وویل چې عسکرو یې خپل ملګری په کابل کې په یوه اداري دفتر  ټپي ولید، سمدستي او په ډېره بېړه یې روغتون ته د هغه وړلو تابیا ونیوله، خو له دې سره سره ټپي عسکر له نړۍ سترګې پټې کړې؛ ځکه چې ټپ یې ډېر ژور او زورور و. نوموړي استرلیايي چارواکي د ټپي عسکر او د پېښې د جزیاتو په اړه نور څه ونه ویل.

د یادونې چې استرالیا خپل پوځي ماموریت د تېر دیسمبر په میاشت کې له روزګان څخه په  وتو سره پای ته ورسولو، خو ۴۰۰ عسکر یې پرېښودل تر څو په کابل او کندهار کې د مشورې او ښوونې چارې پر مخ یوسي.

له المرکز الافغانی للاعلام څخه.