طالبان: د نغلو د برېښنا مزي د اربکیانو قوماندان پرې کړي!

لیکوال: محصلین

له نغلو څخه ننګرهار ته د برېښنا غځيدلي مزي پرون ماښام شلول شوي دي،  طالبانو په خپله پاڼه کې په دې اړه خبر خپور کړی، دوی د ننګرهار د برېښنا د رئیس محب الرحمن مومند له قوله وايي چې دا جنایت د آغاجان په نامه د اربکیانو یو قوماندان تر سره کړی، نوموړي ځکه دا کار کړی چې وايي د لغمان ولایت په اداره یې د دریو میاشتو تنخوا پاتې ده.   ځینو رسنیو دا کار د وسلوالو مخالفینو ګڼلی و، او ځینو په ښکاره د طالبانو نوم اخیستی و، خو دا دي اوس معلومه شوه چې دا کار خپله دحکومت اړوندو وسلوالو کړی دی.  دبرېښنا مزي په داسې حال کې پرې کېږي چې له یوې خوا روژه ده، له بلې خوا ګرمي ده، د نوموړو سیمو خلک له سختو ستونزو سره لاس او ګرېوان دي.