افغان چارواکي : د ملي اردو ۱۰ منسوبین وژل شوي

لیکوال : محمد أفغاني

.

د دفاع وزارت وایې د هیواد په مختلفو ولایتونو کې یې د ماین په چاودنو کې ۱۰ د ملي اردو منسوبین وژل شوي دي .

د دفاع وزارت مطبوعاتي دفتر ویلي دي چې د ملي اردو عسکرو په بیلابیلو سیمو کې عملیات پیل کړي ، او یوتعداد طالبان یې وژلي او ټپیان کړي دي ، خو طالبانو دا ادعا ناسمه بللې او ویلي یې دي چې زمونږ د مرګ ژوبلي کچه یې ډیره ټیټه ده .

له بلې خوا طالب ویاند قاري یوسف احمدي ویلي دي چې د هلمند ولایت په ګرشک ولسوالی کې یې ۱۴ پولیس وژلي دي .

قاري یوسف زیاته کړه : ددوې کسانو بیګا شپه ناوخته د یادې ولسوالۍ  اړوند د میرمندو د حاجي هاشم اکا په کلي کې د پولیسو دکمربند په پوسته پراخ وسلوال بریدترسره کړ چې دوه ساعته یې دوام وکړ ، او په پایله کې یې پوسته فتحه او ۱۴ پولیس ووژل شول ، په برید کې زمونږ دوه کسان په شهادت ورسیدل او دوه نور ټپیان شول .