مالديپ کې د فوټبال افغان ملي لوبډلې لس تنه په ترافيکي پېښه کې ټپيان شول

ليکوال: وطنپال

د مالديپ هيواد کې د فوټپال افغان ملي لوبډلې پنځه لوبغاړي په یوه ترافيکې پېښه کې ټپیان شوي دي، خو د مالديپ چارواکو په وينا روغتيايي حالت يې د اندېښنې وړ نه دى.

د مالديپ د سيمه ييزې راډيو (سان) په وينا ياده پېښه هغه مهال رامنځته شوه، کله چې د افغانستان د ورزشي کاروان غړي د “ادو” ښار له لوبغالي څخه د خپل استوګنځاى پر لور په يوه بس کې روان وو.

د لايوس د فوټبال له ملي لوبډلې سره د افغانستان د ملي لوبډلې نننۍ سيالۍ پرته له کوم ګول وهلو بې پايلې پاى ته ورسېده، خو افغانستان په دې سياليو کې نيمه پايلوبې ته ووت.

په ځينې راپورونو کې د يادو ټپيانو څخه د لوبډلمشر  (اسلام الدين اميري) په شمول د مصطفى ازاد زوى او فيصل سخي زاده، او علي کاظمي نومونه ياد شوي دي.

ټاکل شوې افغان ملي لوبډله د راتلونکې سې شنبې په ورځ د فلسطين له لوبډلې سره سيالۍ ته ووځي.

وطنپال.