اسلام اباد کې دوه پرله پسې چاودنې وشوې

لیکوال: عبد الرحمن

د پاکستان پلازمېنې اسلام اباد څخه باوري خبري سرچينو خبر ورکړ، چې نن سهار وختی یوه چاودنه د ایف سیکس سوپر مارکیټ په سیمه کې او بله د ناین مرکز کراچۍ کمپنۍ سیمه کې رامنځته شوې.

د دواړو چاودنو په ترڅ کې د اووښتي زيان په اړه تراوسه د یو تن وژل شوي او یو ټپي خبر ورکول شوی دی.

د چارواکو په وينا دواړه چاودنې ډېرې زورورې نه وې، لومړۍ چاودنه هغه مهال رامنځته شوه چې ځایي ساتونکي یو کچوړه په پښه ووهله چې له امله يې د نوموړي ساتونکي پښه غوڅه شوه او په روغتون کې يې ساه ورکړه.  او دویمه چاودنه د يو موټر لاندې د ځای پرځای شوو چاودېدونکو موادو له امله رامنځته شوه.

د يادې پيښې مسؤلیت تراوسه چا په غاړه نه دی اخستی.

عبد الرحمن