د عربي او ترکي پوهنتونونو غونډه به د اپريل په ۲۶مه په استنبول کې جوړه شي

لیکوال :احمد بشير

..

د عربي پوهنتونونو مشر ډاکټر سلطان ابو عرابي ويلي چې د ترکې ولسمشر عبد الله ګل به د عربي او ترکي فعاليتونو د لومړی کنفرانس سرپرستي وکړي، دغه غونډه د روانې اپريل مياشتې د ۲۶مې نېټې څخه تر ۲۸مې پورې د ترکې د استنبول ښار کې ټاکل شوې ده.
نوموړي رسنيو سره په خپلو څرګندونو کې زیاته کړه چې د ترکې هيواد په دغې غونډه کې د ګډون کوونکو لپاره اړين تدابير نيولي دي، د عربي پوهنتونو د هغو مشرانو شمېره تر یو سلو شلو پورې رسېږي کومو چې په ياده غونډه کې د ګډون ژمنه کړې ده، چې پکې د عربي پوهنتونونو  په مشر سربېره د ګڼو ګوندونو او دولتي پلاوو مشران او استازې ګډون وکړي.

او څرګنده يې کړه چې د استنبول پوهنتون په کنفرانس کې د ټولو عربي هیوادونو سربېره د اروپا، اسیا او افريقا ګډون کوونکو پلاوو لپاره تياری بشپړ کړی دی.

ډاکټر ابو عرابي وویل چې د استنبول پوهنتون په دوامدار ډول له یو کال راهيسې عربې ټولنې سره په دې اړه اړيکې درلودلې، نو څرنګه چې د عربي اروپايي کنفرانس او د عربي او مالزیايي پوهنتونونو کنفرانس له مثبتو پايلو او لاسته راوړنو سره پايې ته ورسېدل نو د عربي پوهنتونونو غړو سره په داسې مهم کنفرانس کې د ګډون نظريه پیدا شوه.

احمد بشير